Vim estas malaĉa tekstoredaktilo.
Mi uzadas ĝin ekde pli-malpli 1997. Mi uzas Vim por ĉio: programi kaj
redakti dokumentojn, retpoŝtojn, HTML-paĝojn kiel ĉi tiu, wikiumi,
konservi farendaĵliston, ktp. Ĉi tiu paĝo temas pri miaj personaj
agordoj de Vim, kaj ankaŭ pri la tradukdosieroj en Esperanto kaj
en la franca, pri kiuj mi ambaŭ zorgas.
~/.vimrc
Mia dosiero
~/.vimrc
enhavas aron de agordaĵoj kaj konsiletoj, kiujn mi akumulis dum jaroj.
Mi strebas por igi ĝin portebla kun diversaj versioj de Vim (6.*, 7.*),
diversaj opcioj de kunmetaĵoj (malgrandega, malgranda, normala, granda,
grandega), kaj malsamaj mastrumaj sistemoj (Linukso, Vindozo).
Kromaĵoj de Vim
Kelkajn kromaĵojn por Vim
mi skribis. Tiu, kiun mi plej ofte uzas estas la
kromaĵo por Lingvoilo,
kiu ebligas uzi la plurlingvan gramatikan kontrolilon Lingvoilo (LanguageTool) ene de Vim.
Funkcias ankaŭ en Esperanto.
Kolorskemo
Koloroj! Ne estas eble la plej grava eblo de Vim, sed
belaj koloroj agrabligas laboron kun Vim.
Rastafari
estas kolorskemo por nigraj terminaloj.
Ĝia nomo venas de la ĉefaj koloroj en tiu
kolorskemo: nigro, ruĝo, flavo, kaj verdo.
La kolorskemo uzas malmultajn kolorojn, kiu taŭgas por
8-kolorkapabla terminalo (set t_Co=8) sed
funkcias ankaŭ bone per la grafika interfaco gvim.
Mi malŝatas kolorskemojn kun
tro da malsamaj koloroj. Sintaksa emfazo ne devus aspekti tiel,
kiel kristnaska arbo. Se iel koloroj aspektas neĝuste,
rigardu tiun
ĉi konsileton.
Mi uzis tiun kolorojn dum multaj jaroj, kaj ŝajne ne
nur plaĉas al mi, ĉar ankaŭ kolegoj en la laborejo uzas ĝin.
Jen deviga ekrankopio:
Vim flikaĵoj
Mi ŝatas uzi la memorkontrolilon Valgrind, kaj mi uzas
ĝin por trovi kaj korekti cimojn en Vim. Nun multaj el
tiuj cimoj estas jam korektitaj, kaj ne plu facilas trovi
cimojn en Vim uzante Valgrind. Sed fojfoje, mi ankoraŭ
malkovras strangajn manierojn por igi vim uzi ne validan
memoron aŭ memorlikadi. Korekti ilin helpas igi Vim
la perfekta tekstoredaktilo.
Vidu ĉi tiun
helpan paĝon
se vi deziras malcimigi Vim pere de Valgrind.
Esperantigo de Vim
Vim nun haveblas en Esperanto oficiale ekde versio 7.2.
Ĉiuj mesaĝoj de Vim estas tradukitaj, kaj ankaŭ la
menuoj de gvim kaj la instruilo de Vim.
Ne hezitu atentigi
pri eraroj aŭ plibonigoj se vi
malkovras iujn. Bonvolu kontroli, ke ili ne estas jam
korektitaj en la lasta versio de la ĉi-subaj dosieroj.
La nombro de Vimistoj, kiuj uzas la Esperantigitan version
de Vim plej verŝajne etetas, do sciigu min se vi uzas
kaj ĝuas ĝin :-)
Mesaĝoj
Menuoj de gvim
Instruilo
Vim en la franca
Ekde 2008, mi flegas la tradukon de Vim en la franca lingvo.
Bonvolu
atentigi pri eraroj
aŭ plibonigoj post kontrolo, ke ili ne estas jam korektitaj en la
dosieroj ĉi-subaj.
Mesaĝoj
Menuoj de gvim
Manlibro
Instruilo
 |
$Id: vim-eo.php,v 1.3 2009/03/08 18:35:58 pel Exp pel $
|
 |
